- عايزة أثبت للناس
كلها انى بعرف اخد قرار
- بس ممكن يطلع غلط
- غلط او صح مش مهم ... المهم أنا اللى خدته
- بس فيه من الناس دول بيساعدوك انك تاخد القرار
الصح ... ناس مبتحبش تشوفك بتتحمل عواقب قرار غلط حبيت تاخده بنفسك ... ناس مبتحبش
تشوفك بتئذى نفسك
- أنا مش مضطرة أروح أستنجد بحد ياخدلى قراراتى
... ويفضل ينصحنى ... ويمشينى على مزاجه
- ليه بتحاولى تفهميها بالشكل دا ! ...
- أنا مش بحاول أفهم حاجة ... مش بحاول أفهم
اللى بيحصل , ولا أفهم اللى حد بيعمله , ... ولا عايزة أفهم حتى نفسى ... ومش عايزة
حد يفهمنى لانه مفيش حد هيعرف ... إزاى هتلاقى حد يفهمك وانت نفسك مش فاهمها
- فيه ناس ممكن تفهمك أكتر من نفسك ... لان نفسك
جزء منها ومن حياتها
- ممكن ... وأنا مش مؤمنة بالحتمالات
ليست هناك تعليقات:
إرسال تعليق