علشان ترسم لوحة من أول وجديد , أو علشان تكمل لوحة تانية بدأت فيها من فترة ...
كام لون ... وهتعمل بيهم ايه ... وهتعرف ترسمها صح ولا هتكون مجرد شخبطة – قدر – , ولخبطة – واقع –
هتبدأ بـ الأبيض ... بس دا مش لون بيتبدئ بيه ... انت لوحتك لسة بيضا ... حتى اللون دا يمكن ملوش لازمة فى لوح ناس تانية ... مش معترفين بيه ... يمكن :\
طيب و الأسود ... - الاسود دا لونى - ... ليه خلوه يعبر عن ما يحمله من شكل فقط ... ليه مدخلوش جواه وشافوا هو عبارة عن ايه ... الاسود مش انك اسود ,كئيب , حزين , يائس , كما يقال عنه ... الاسود كمان بيكون فرحة , بس يمكن فرحة مكتومة ومش قادرة تطلع ... الاسود سكات ... الاسود قلب جريئ ... الاسود ترضى بالواقع ... بس الاسود , اقبل التحدى وخليك منافس صح مع الدنيا واللى حواليك ...
قولى رأيك فى الأخضر ... الأخضر لون الخضرة , لون الزرع والبركة ... لون الخير والراحة ...
الأزرق ... ليه لأه ... دا هاخده علشان أرسم السما بتاعتى ... بس ممكن أستغنى عنه ... لأن أنا مليش سما تحدنى ... بس ممكن بردو أحتاجه لحاجة أهم ... ممكن املى بيه البحر ... الهدوء والتفكير ... الخيال والصديق ...
طيب والأحمر ... دا بقى هيكون ايه ... رومانسية , ولا شر ونار ... حب , ولا حقد ... ساعات هستخدمه للحماس
الأصفر ... دا بقى هجمل بيه لوحتى ... محتاجة لصفائه علشان يخففلى شوية من بعض المبالغات ...
ليست هناك تعليقات:
إرسال تعليق